БИШКЕК, 10-дек — Sputnik. Жогорку Кеңештин спикери Асылбек Жээнбеков Акыйкатчынын бул сапар шайланбай калуусунан трагедия кылуунун кереги жоктугун айтты.
10 Бештин айы 2015, 21:24
Бүгүн Жогорку Кеңештин депутаттары Акыйкатчы кызматына талапкерлерди шайлай албай коюшту. Сунушталган 8 талапкердин бирөө өзүнүн талапкерлигин алып койгондон кийин, экинчи турга "Ата Мекен" фракциясынын Гүлгакы Мамасалиева — 27, ал эми "Республика — Ата Журттан" Атыр Абдрахматова — 34 добуш менен өткөн.
Добуш берүүнүн 3-туруна жалгыз чыккан Абдрахматовага 69 депутат каршы добушун берип, парламентарийлер өлкөнүн Акыйкатчысын шайлай алган жок.
"Акыйкатчы шайланбай калгандан тарта 14 күндөн кийин, 30 күндөн кечиктирилбестен кайра шайлоо өткөрүлөт. Ошондуктан, муну шайлоо дейт. Кийинкисинде шайлап беребиз", — деди спикер Жээнбеков.
Бул сапаркы шайлоого төмөнкү жети талапкер катышкан.
- Нурланбек Жээналиев ("Бир Бол");
- Атыр Абдрахматова ("Республика — Ата Журт");
- Турсунбек Акун, Гүлгакы Мамасалиева, Бакыт Рысбеков ("Ата-Мекен");
- Гүлнара Жамгырчиева (КСДП);
- Канатбек Тургунбеков ("Кыргызстан").
Ошентип, бул сапар Жогорку Кеңеш бир пикирге келип, өлкөнүн акыйкатчысын шайлай алган жок.
