БИШКЕК, 9-дек. — Sputnik. Базар-Коргон районунун Бешик-Жон айыл аймагынын 46 жаштагы тургуну убактылуу багып жүргөн жети жашар кызды сабап, таяктын уусунан кыз эртеси каза болгон. Бул туурасында ИИМдин маалымат кызматы билдирди.
"Кыз таежесинен таягынан алган жаракатынан улам 8-декабрында каза болуп, анын жансыз денеси райондук "Тез жардам" бөлүмүнө алынып келинген", — деп билдирди ИИМдин маалымат кызматы.
20 Жетинин айы 2015, 12:22
Окуяны райондук оорукананын нөөмөттөгү мээрбаны Базар-Коргон РИИБдин нөөмөт бөлүмүнө телефон аркылуу билдирген.
Бул факты боюнча учурда КРдин Кылмыш-жаза кодексинин 97-беренесинде көрсөтүлгөн кылмыштын белгилери менен кылмыш иши козголуп, соттук-медициналык, соттук-биологиялык экспертизалар дайындалды.
Ал эми 46 жаштагы аял КРдин Жаза-процессуалдык кодексинин 94-беренесинин негизинде кылмышка шектүү катары кармалды.
