БИШКЕК, 9-дек. — Sputnik. Залкар жазуучу Чыңгыз Айтматовдун туулган күнүнө карата уюштурулган жогорку окуу жайлар арасындагы дебат турниринде Мамлекеттик башкаруу академиясынын студенттери жеңип алышканын аталган окуу жай билдирди.
Дебатка жалпысынан республикадагы жогорку окуу жайлардын 32 командасы катышып, Чыңгыз Айтматовдун чыгармалары тууралуу түзүлгөн темаларга талкуу жаратышты.
Жыйынтыгында жеңишке жетишкен Мамлекеттик башкаруу академиясынын "Ультиматум" командасы кубок жана сертификат менен сыйланды.
Быйыл 12-декабрь күнү Айтматов 87 жашка толмок. Жазуучу 2008-жылдын 10-июнунда узакка созулган оорудан соң Германияда каза болгон.
