БИШКЕК, 8-дек. — Sputnik. Ошто 1,5 миллион сом өлчөмүндө салык төлөөдөн баш тарткан жеке ишкерге кылмыш иши козголгонун Финансы полициясы билдирди.
Маалыматка ылайык, аталган жаран туура эмес салык отчетторунун негизинде ири көлөмдөгү салык төлөмүн төкпөй келген. Текшерүүнүн натыйжасында тийиштүү салык төлөмү менен бирге айып пул чегерилип, ишкерден алынуучу жалпы сумма 1 миллион 576 миң сомду түздү.
Аталган факт боюнча учурда кылмыш иши козголуп, тергөө амалдары жүрүп жатат.
