БИШКЕК, 8-дек. — Sputnik. 9-декабрдан 11-декабрга чейин өлкө аймагында аба ырайы кескин өзгөрүп, көпчүлүк аймактарда жамгыр карга айланат. Тоо этектеринде жана тоолуу райондордо кар жаап, аба ырайы —25 градуска чейин суук болорун Кыргызгидромет билдирди.
Кээ бир райондордо батыштан соккон шамалдын ылдамдыгы секундасына 17-22 метрге чейин жетет. 10-12-декабрда абанын температурасы кескин төмөндөп,Чүй, Талас облустарынын өрөөндөрүндө түнкүсүн —10…-15 градус суукка чейин, Ош, Жалал-Абад, Баткен облустарынын өрөөндөрүндө түнкүсүн —5…-10 градус суук, Ысык-Көл облусунун дыйканчылык аймактарында түнкүсүн —12…-17 градус суукка чейин, Нарын облусунун дыйканчылык аймактарында жана бийик тоолуу райондордо түнкүсүн —20…-30 градус суук болот.
Мындай аба ырайы автожолдордун абалын начарлатат, автоунаа, энергетика жана коммуналдык кызматтардын ишин жана жайыттарда малды кармоону кыйындатат.
