Кыргыз киносунун алптарынын бири Советбек Жумадыловдун белгисиз сүрөттөрү

Ал 35 тасмага тартылып, ар биринде кайталангыс образдарды жараткан. Таланттуу актер Пржевальскидеги педагогикалык училищени аяктаган. 1953-жылы Ташкенттеги А. Островский атындагы театралдык-көркөм институтун аяктаган. Ушул эле жылдан тарта Кыргыз академиялык театрында актер болуп иштеп баштаган. 1955-жылдан тарта киного тартылып баштаган.

Ал 1955-жылы Василий Прониндин "Салтанат" тасмасына тартылган. Андан кийин катары менен Мелис Убукеевдин "Жоро" жана "Тайгак кечүү" тасмаларында роль жараткан.

Ал жараткан кайталангыс образдар көрүүчүлөрдүн элесинде көпкө сакталат. Анын "Караш-караш окуясы", "Ысык-Көлдүн кызгалдактары", "Каныбек", "Саманчынын жолу", "Ак Мөөр" тасмаларында эң бир сонун ролдорду ийине жеткире аткарган.

Советтер союзунун актеру, КР эл артисти Советбек Жумадылов 2001-жылы 24-мартта узакка созулган оорудан улам каза болгон.