БИШКЕК, 27-ноя. — Sputnik. Тергөө маалында Huawei компаниясынын Кыргызстандагы өкүлчүлүгү Huawei Tech. Invesment Co LTD компаниясы Ош – Эркечтам багыты боюнча волокно-оптикалык байланышты курууда анын баасын жасалма түрдө кымбаттатканы аныкталган. Бул тууралуу финансы полициясы билдирди.
Маалыматка ылайык, аталган компания Ош – Эркечтам багыты боюнча волокно-оптикалык байланышты курууда анын баасын 118 миллион сомго ашык көрсөткөн. Иш жүзүндө 300 миң долларлык иш аткарылса, документтер боюнча үч миллион АКШ доллары корогону көрсөтүлгөн.
"Жоопкерчиликтен жана юридикалык талаштардан качуу үчүн Huawei Tech.Invesment Co LTD компаниясы кайтадан Huawei Tehnologies Bishkek Co LTD болуп түзүлгөн", — деп айтылат таратылган маалыматта.
Компаниянын банктагы эсеби жана башка мүлктөрү камакка алынды. Ал эми шектелгендер соттун чечими менен сыртынан камакка алынган.
Учурда иштин-чоо жайын аныктоо үчүн Кытайдын компетенттүү органдарынан жооп күтүлүүдө.
