БИШКЕК, 25-ноя. — Sputnik. Москвада бейшемби күнү Росскызматташуу системасынын 90 жылдыгына арналган "Бүгүнкү элдик дипломатия" форуму өтө турганын Россиянын Бишкектеги илим жана маданият борбору билдирди.
Бүткүл союздук чет өлкө менен маданий байланыш коомчулугу 1925-жылы пайда болгон. Уюм СССР маданият кызматкерлери, коомдук уюмдары жана мекемелеринин чет мамлекеттер менен маданий жана илимий байланышты түзүү максатын көздөгөн. Кийин ал Росскызматташуу болуп кайра түзүлгөн.
Форумга эл аралык гуманитардык кызматташууну өнүктүрүүдөгү элдик дипломатиянын ролун талкуулоо үчүн жүзгө чукул мамлекеттен 500 өкүл келет.
