БИШКЕК, 20-ноя. — Sputnik. Бейшемби күнү Россиянын Бишкектеги илим жана маданият борборунда Росскызматташуунун 90 жылдыгына арналган салтанаттуу иш-чаралар өттү.
Бүткүл союздук чет өлкө менен маданий байланыш коомчулугу 1925-жылы пайда болгон. Уюм СССР маданият кызматкерлери, коомдук уюмдары жана мекемелеринин чет мамлекеттер менен маданий жана илимий байланышты түзүү максатын көздөгөн. Кийин ал Росскызматташуу болуп кайра түзүлгөн.
Иш-чара Россия менен Кыргызстандын гуманитардык кызматташуусунун келечегине арналган конференция менен башталды. Андан соң салтанат концерт жана сүрөт көргөзмөсү менен коштолду.
