БИШКЕК, 25-ноя. — Sputnik. Премьер-министр Темир Сариевдин төрагалыгы менен өкмөт алдындагы Коопсуздук жана укук тартибин камсыздоо боюнча кеңештин жыйыны өттү. Бул тууралуу өкмөттүн маалымат кызматы билдирди.
Жыйын жүрүшүндө Жазаларды аткаруу мамлекеттик кызматындагы абал жана дүйнөдөгү кырдаалга байланыштуу коопсуздук чаралары каралды.
Дүйнөдөгү абалга байланыштуу мамлекеттик органдардагы коопсуздук чаралар боюнча маалыматтар угулду.
Андан сырткары премьер-министр Темир Сариев №50 тергөө абагындагы окуяга байланыштуу Жазаларды аткаруу мамлекеттик кызматынын ишмердүүлүгүнө баа берүү жана кемчиликтерди жоюу боюнча кыска мезгилде тиешелүү чечимдер кабыл алынышы керектигин билдирди.
