БИШКЕК, 24-ноя. — Sputnik. Кыш мезгилиндеги өзгөчө кырдаалдардын алдын алуу үчүн Бишкектин четиндеги "Ала-Арча" суусунун кооптуу бөлүктөрү тазаланып жатканын мэрия билдирди.
Маалыматка ылайык, учурда суунун чыгыш тарабындагы жаш бутактар кыйылып, бир экскаватор менен жүк ташуучу унаа тартылган. Мындан тышкары, суунун нугунан кум-шагыл ташылып чыгууда.
"Зеленстрой" муниципалдык ишканасы жүргүзүп жаткан тазалоо иштери октябрда башталып, азырка чейин уланып жатат.
