БИШКЕК, 20-ноя. — Sputnik. Жалал-Абадда диний радикалдык экстремисттик, террордук уюмдардын кооптуулугу туурасында эл арасында жүргүзүлгөн түшүндүрүү иштеринде атайын даярдалган баракчалар таратылып жатат.
"ИГИЛ — бул ислам эмес" деп аталган буклетте жогорудагыдай ашынган радикалдык уюмдар, "Ислам мамлекетинин" терс багыттагы уюм экендиги туурасында маалыматтар камтылган.
"Айыл өкмөттөрдө өткөрүлгөн профилактикалык иш-чараларда элге, мектеп окуучуларына, катышкан бардык жарандарга таратылган. Максат — террордук, экстремисттик радикалдашкан уюмдар туурасында элге кеңири маалымат берип, анын кооптуу экендигин түшүндүрүү. Ал УКМК, ИИМдин 10-бөлүмү тарабынан жүргүзүлүп жатат", — деп билдиришти Жалал-Абад облустук ИИБдин маалымат кызматынан.
Аталган буклет УКМК жана Жалал-Абад облусунун казыятынын тарабынан даярдалган.
