2015-жылы аталган Саламаттыкты сактоо министрлиги аркылуу Кыргызстандын 50гө жакын бейтабы Түркиядан дарыланган.
БИШКЕК, 17-ноя. — Sputnik. Түркия тарап Кыргызстанга гранттык негизде толук түрдө жабдылган беш "Тез жардам" машинасын берди. Бул тууралуу Саламаттыкты сактоо министрлиги билдирди.
"Тез жардам" унааларын тапшыруу аземи Түркиянын Кыргызстандагы элчилигинде болду. Элчи Метин Кылыч саламаттыкты сактоо сектору өлкөдө маанилүү ролду ойнорун белгилеп, бул тармакта эки мамлекеттин кызматташтыгы өнүгө турганын кошумалады.
1/2
"Тез жардам" унааларын тапшыруу аземи Түркиянын Кыргызстандагы элчилигинде болду
Элчи Метин Кылыч саламаттыкты сактоо сектору өлкөдө маанилүү ролду ойнорун белгилеп, бул тармакта эки мамлекеттин кызматташтыгы өнүгө турганын кошумалады.
1/2
"Тез жардам" унааларын тапшыруу аземи Түркиянын Кыргызстандагы элчилигинде болду
Элчи Метин Кылыч саламаттыкты сактоо сектору өлкөдө маанилүү ролду ойнорун белгилеп, бул тармакта эки мамлекеттин кызматташтыгы өнүгө турганын кошумалады.
КРдин Саламаттыкты сактоо министри Талантбек Батыралиев Кыргызстан менен Түркиянын эки тараптуу кызматташуусунун алкагында бир нече долбоорлор ишке ашып жатканын айтты. 2015-жылы аталган министрлик аркылуу Кыргызстандын 50гө жакын бейтабы Түркиядан дарыланган.
"Түркиялык кесиптештердин колдоосу менен биздин дарыгерлер ал жактагы клиникалардан кесиптик чеберчилигин жогорулатышууда. Ошондой эле, Түркия тарап биздин ооруканаларды заманбап техникалар менен жабдууда жардам берип келет", — деди Батыралиев.
Жаңы тапшырылган "Тез жардам" унаалар бейтаптарга керектүү ыкчам медициналык жардам берүүнү жакшыртарын министр кошумчалады.
