Кыргызстандык футзалчылар жаңы капитандуу болду

БИШКЕК, 14-ноя. — Sputnik. Кыргызстандын футзал боюнча курама командасы капитанын тандап алганын Футбол федерациясы билдирди.

Учурда команда Тажикстандын Хунджант шаарында бүгүн башталып 16-ноябрга чейин улана турган Азия чемпионатынын тандоо турунун алдындагы беттешүүлөргө даярдык көрүп жатат. Кыргызстандын курама командасы Тажикстан, Түркмөнстан жана Афганистан командалары менен "А" тайпасына кирген. 

Оюнчулар менен машыктыруучу штабынын чечими менен Бишкектин "Эмгек" клубунун оюнчусу 31 жаштагы Руслан Гафуров болду. Ал капитан катары бүгүн боло турган түркмөн командасы менен беттешүүгө катышат. Мындан тышкары, Кирилл Ермолов менен Эмил Канетов вице-капитан болуп дайындалышты.

Кыргызстандын футзал боюнча улуттук командасы бүгүн толук курамы менен машыгуудан өтүштү. Командага Рустам жана Руслан Ермековдор, Эркин Табалдиев, Нуржан Жетибаев жана Эмил Канетовдор бүгүн кошулду. Учурда оюнчулардын баарынын абалы жакшы.

Тандоо турунун жыйынтыгы менен тайпадан эки команда чыгат. Азия чемпионатынын финалдык бөлүгү 2016-жылы Ташкент шаарында 10-21-февраль күндөрү өтөт.