БИШКЕК, 13-ноя. — Sputnik. Эртең, 14-ноябрда Кыргызстанда кар жаай турганын ӨКМ билдирди.
Мекеменин маалыматына ылайык, республикада мезгил-мезгили менен кар аралаш жаан жаайт. Тоо этектеринде жана тоолуу райондордо кар жаап, Чүй, Талас, Ош, Жалал-Абад, Баткен облустарынын айрым жерлеринде жаан-чачын катуу жаашы күтүлөт.
Тоолуу аймактардын автожолдорунда кар күрткүсү күтүлөт, жолдор тайгак болот. Кээ бир райондордо батыштан соккон шамалдын ылдамдыгы секундасына 17-22 метрге чейин жетиши күтүлөт.
Бишкек жана Ош шаарларында күндүз жаан-чачын күтүлбөйт. Күндүз абанын температурасы Бишкекте жети, ал эми Ошто 10 градуска чейин жылуу болот.
