БИШКЕК, 10-ноя. — Sputnik. Россия коомдук уюмдар менен АКШдай иш алып бара албай турганын Европа жана Азия медиаларынын форумунун жүрүшүндө (ЕАМФ) "Россия сегодня" Эл аралык агенттигинин башкы директору Дмитрий Киселев билдирди.
"Биз коммерциялык эмес уюмдар менен америкалыктардай кылдат иштей албайбыз. Буга жаңыдан гана үйрөнүп келе жаткан учурубуз", — деди ал.
Мындай пикир менен RT телеканалынын башкы редактору Маргарита Симоньян да макул болду.
"Албетте, коомдук уюмдар менен тийиштүү деңгээлде иш жүргөн жок. Буга ар түрдүү кырдаал себеп болду — бирде каражат жетишпесе, бирде алар чындап эле керексиз болчу. Бул коомдук уюмдар тарабынан жетишерлик көңүл бурулган жок деп кабылданганын түшүнүп турам", — деди ал.
ЕАМФ — медиаиндустариянын өнүгүшүн божомолдоо жана жалпы көрүнүштөрдү талкуулоо үчүн КМШ, Балтия өлкөлөрү менен Грузиянын алдыңкы медиаэксперттерин чогулткан уникалдуу аянтча болуп саналат. 2006-жылдан бери өткөрүлүп келе жаткан иш-чаранын алгачкы төртөө Москвада өтүп, кийинкилери Киев, Астана жана Минск шаарында болгон.
