Энергетика жана өнөр жайды азырынча Экономика министрлиги башкарат

© Sputnik / Табылды КадырбековСтолдогу тыйындар жана көз айнек. Архив
Столдогу тыйындар жана көз айнек. Архив - Sputnik Кыргызстан
Жазылуу
Өкмөттүн жаңы курамында Энергетика жана өнөр жай министрлиги менен Мамелкеттик мүлктү башкаруу фонду жоюлган. Алардын ордуна Мамлекеттик холдингдердин пайда болушу каралган.

БИШКЕК, 10-ноя. — Sputnik. Энергетика жана өнөр жай тармагын азырынча Экономика министрлиги башкара турганын экономика жана өнөр жай министри Арзыбек Кожошев билдирди.

Өткөн жумада Жогорку Кеңеш өкмөттүн жаңы структурасын бекиткен. Ага ылайык, Энергетика холдинги пайда болуп, өнөр жай Экономика министрлигине өткөн.

Министрдин айтымында, Жогорку Кеңешке октябрь айында "КР улуттук холдинг компаниялары тууралуу" киргизилген мыйзам долбоорун депутаттар жакын арада карашы керек.

"Документ каралып, бекитилгенден кийин мыйзам өз алдынчалуу болуп, Энергетика министрлигинин курамын толугу менен холдингге өткөрүп беребиз", — деди ал. 

Кожошев Энергетика министрлиги көз каранды мекеме экенин убакыт көрсөткөнүн, андыктан холдинг түзүү чечими кабыл алынганын белгиледи. Кыргызстандын улуттук холдинг компаниялары тууралуу мыйзам долбоору өкмөттүн сайтында үстүбүздөгү жылдын май айында жарыяланган.

Жаңылыктар түрмөгү
0