БИШКЕК, 9-ноя. — Sputnik. Кыргызстандык режиссер Мирлан Абдыкалыковдун "Сүтак" тасмасы Болливудда өткөн фестивалда экинчи орунду алды. Бул тууралуу Sputnik агенттигине тасманын продюсерлеринин бири Алтынай Койчуманова билдирди.
"Индияда жакында эле Jio Mami Mumbai эл аралык кинофестивалы жыйынтыкталып, жеңүүчүлөр аныкталды. Кыргызстандык режиссер Мирлан Абдыкалыковдун "Сүтак" тасмасы экинчи орунга татыды", — деди ал.
9 Тогуздун айы 2015, 18:03
17-жолу өткөрүлүп жаткан кинофестивалга быйыл 25 чет мамлекеттен 15 тасма катышкан. Абдыкалыковдун "Сүтак" тасмасы буга чейин да бир нече кинофестивалдарда байгеге арзыган.
Адамдардын ортосундагы таза мамилелер, аруу сезимдер, ыйык каада-салт тууралуу тартылган тасма "Мыкты чет элдик фильм" номинациясы боюнча "Оскар" сыйлыгынын узун тизмесине кирген.
