Белоруссиянын жаңы акчасында орфографиялык ката табылды

Жазылуу
Жаңы акчалар пайдаланууга 2016-жылдын июль айынан баштап пайдаланууга берилет. 50 рубль номиналындагы акчада "пяцьдзесят" деген сөздө орфографиялык ката кеткени аныкталган.

БИШКЕК, 8-ноя. — Sputnik. Белорусстар убактылуу орфографиялык катасы бар жана Улуттук банктын мурунку жетекчисинин аты-жөнү жазылган жаңы акчаны пайдалана турганын аталган мекеме билдирди.

Президент Александр Лукашенко Белоруссиянын расмий акча бирдигин деноминациялоо жана 2000-жылы чыгарылган акча белгилерин 2016-жылдын 31-декабрына чейин алмаштыруу чечимин кабыл алган. Учурда колдонулуп жаткан акча белгилери пайдалануудан таптакыр алынмакчы.

"Деноминация жүргүзүүгө даярдык бир топ убакытты алды. 2016-жылдын 1-июлунан тартып колдонула турган акча белгилери Улуттук банктын заказы менен 2008-жылы эле даярдалган", — деп айтылат билдирүүдө.

Деноминация жүргүзүү дүйнөлүк экономикалык каатчылыктан жана өлкөдө экономикалык абалдын таптакыр начарлап кетишинен улам убактылуу токтотулган. Даяр болгон акча белгилери Улуттук банктын Борбордук сактоочу жайына берилген.

"Ал мезгилди эске алганда белоруссиялык рублдер бир катар өзгөчөлүктөргө ээ болчу", — деп айтылат маалыматта.

50 рублдик акчада "пяцьдзесят" деп жазылып турат. Бирок, 2010-жылы жарык көргөн белорусс тилинин жаңы эрежесине ылайык, бул сөздүн экинчи мууну "я" тамгасы менен — "пяцьдзЕсят" эмес, "пяцьдзЯсят" болуп жазылышы керек.

Улуттук банк кийинки заказда кемчиликтер жоюларын белгиледи.

Жаңылыктар түрмөгү
0
Алгач жаңыларыАлгач эскилери
loader