БИШКЕК, 5-ноя. — Sputnik. Шаар тургунунун 1 миллион 69 миң 500 сомун алдап алган аял кармалды. Бул тууралуу шаардык милициядан билдиришти.
Маалыматка ылайык, 35 жаштагы Сергей аттуу жаран милицияга кайрылып, Светлана аттуу аял анын ишенимине кирип 1 миллион 69 миң 500 сомун алдап алганын айткан.
Биринчи Май райондук ички иштер башкармалыгынын инспекторлору ыкчам-иликтөө иштерин жүргүзүп, алдамчылыкка шектелген жаранды кармашкан. Тергөө иштери улантылууда.
