Жогорку Кеңеште эсептөө комиссиясы тарыхта биринчи ирет пропорционалдык ыкма менен шайланды

© Sputnik / Табылды КадырбековДепутаттар Жогорку Кенештин отурумунда. Архив
Депутаттар Жогорку Кенештин отурумунда. Архив - Sputnik Кыргызстан
Жазылуу
Парламенттеги көпчүлүк коалициясы парламент төрагалыгына бир добуштан Асылбек Жээнбековдун талапкерлигин сунуштады.

БИШКЕК, 4-ноя — Sputnik. Жогорку Кеңештин төрагасын, анын орун басарларын, комитет жетекчилерин шайлай турган эсеп комиссиясы тарыхта биринчи ирет пропорционалдык система боюнча түзүлдү. Мныдай чечим жыйында депутаттар тарабынан кабыл алынды. 

Фракциядагы мандаттардан санына карата анын өкүлдөрү эсеп комиссиясынын тутумуна пропорционалдык жол менен тандалды. ЖКнын өткөн чакырылыштарындагы эсептөө комиссиялары колунда болгон мандатына карабастан, бирдей санда киргизилген.

Парламенттеги көпчүлүк коалиция ЖКнын төрагалагына мурдагы төрага Асылбек Жээнбеков. Архив - Sputnik Кыргызстан
Жээнбеков: спикерликке шайланып калсам, мага чоң милдет жүктөлөрүн түшүнүп турам
Бүгүнкү эсептөө комиссиясында Социал-демократтардан төрт, "Республика — Ата-Журттан" үч, "Кыргызстандан" эки, "Ата Мекен", Бир Бол" жана "Өнүгүү — Прогресс" фракцияларынан бирден депутат киргизилди. Жыйынтыгында 12 мүчө болду. 

"Стабилдүүлүк, ишеним жана Жогорку Кеңештеги жаңы мүмкүнчүлүктөр" деп аталган көпчүлүк коалициясы бир добуштан парламент төрагалыгына Асылбек Жээнбековдун талапкерлигин сунуштады.

Парламенттик шайлоо жыйынтыгында КСДП фракциясы 38 мандатка, “Республика Ата-Журт” фракциясы 28 мандатка, "Кыргызстан" фракциясы 18 мандатка, "Өнүгүү-Прогресс" фракциясы 13 мандатка, "Бир бол" фракциясы 12 мандатка, "Ата Мекен" фракциясы 11 мандатка ээ болгон.

Жаңылыктар түрмөгү
0