БИШКЕК, 30-окт. —Sputnik. Беткапчан кишилер Чүй облусунда жашаган кемпирдин үйүнө кирип, аны сабап, акчасын алып кеткенин Чүй ОИИББдин маалымат кызматы билдирди.
Ысык-Ата РИИБине Киров айылынын тургуну 78 жаштагы кемпир арыз менен кайрылып, беткап кийген бейтааныш үч киши үйүнө кирип, аны сабап, 20 миң сомун алып кетишкенин айткан. Аталган факты боюнча Кылмыш жаза кодексинин "Каракчылык" беренесинин негизинде кылмыш иши козголду.
Ысык-Ата РИИБдин кызматкерлери каракчылыкка шектүү деп Чүй облусунун үч тургунун кармашты. Тергөө амалдары жүрүүдө.
