БИШКЕК, 28-окт. — Sputnik. Атамбаев Ош шаарында көпүрөнүн ачылышында сүйлөп жатып, акыркы беш жылда Ош шаарына курулган имараттарга каражаттар жергиликтүү бюджеттен бөлүнбөгөндүгүн айтты. Ал Түштүк борбордун экс-мэри Мелис Мырзакматовдун сөзүн кезегинде эки кылбай жүргөнүн да билдирди.
"Акыркы беш жылда Ош шаарына салынган имарат, турак-жайлардын бири да мэриянын эсебинен тургузулган эмес. Ошол кездеги Ош мэриясы же мэр бир тыйын бөлгөн жок. А түгүл, өзүлөрү, туугандары тарабынан акча уурдалган. Бир тыйын берилбей, бирок туура үйлөрдүн тасмалары кесилген", — деди Атамбаев.
Ал Ош шаарынын мурдагы мэри Мелис Мырзакматов туурасындагы пикирин чогулган элдин алында сүйлөп жатканда айтты. Бир кезде ага жакын болуп, ылым санап жүргөндүгүн, ал тургай ата-баладай мамилени сурангандыгын кошумчалады.
Ал сөзүндө кандуу окуялардын кайталанбашына эл аракет кылышы керектигин, ал үчүн улуттар арасында ынтымакты сактоо зарылдыгын айтты.
