БИШКЕК, 28-окт. — Sputnik. Кадамжай районунун Үч-Коргон айылында улуттар арасындагы ынтымак, терроризм, экстремизмге каршы күрөшүү маселелери талкууланды. Бул туурасында Баткен облустук мусулмандар казыятынын маалымат кызматы билдирди.
Профилактикалык иш-чараны жергиликтүү бийлик өкүлдөрү, ИИМдин облустук 10–бөлүмүнүн кызматкерлери жана Баткен облустук мусулмандар казысынын орун басары Кожояров Каразак жүргүздү.
Чогулган жергиликтүү элге учурдагы диний радикалдашып кеткен абалдан алыс болуу, андан сырткары терроризм, экстремизмдин кесепеттери туурасында айтып, түшүндүрүп беришти.
