БИШКЕК, 24-окт. — Sputnik. Кыргызстандын кубогуна "Абдыш-Ата" командасы ээ болду. Ал атаандашы "Наше Пиво" командасын 4:2 эсебинде утуп алды.
Футбол боюнча Кыргызстандын кубогунун финалдык беттеши Кант шаарындагы "Центральный" стадионунда өттү. Анда Кант шаарынын эки командасы "Абдыш-Ата" менен "Наше пиво" беттешти.
Биринчи таймда голду "Абдыш-Атанын" оюнчусу Фархат Мусабеков киргизсе, экинчи голду Олувасен Алерива киргизди. Үчүнчү голду "Абдыш-Атанын" капитаны Рустем Утанов киргизди.
Экинчи таймда "Абдыш-Атанын" оюнчусу Рустем Утанов гол киргизсе, "Наше Пиво" командасынын оюнчусу Чолпонбек Эсенгул уулу өзгөчөлөндү. Ошентип, оюн 4:2 эсебинде "Абдыш-Ата" командасынын пайдасына аяктап, ал өлкө чемпиону болду.
"Абдыш-Ата" 2007, 2009 жана 2011-жылдары да кубокту утуп алган. Эми ал төртүнчү жолу өлкө чемпиону болду.
