БИШКЕК, 24-окт. — Sputnik. Коргоо министрлигинин алдындагы "Жоокер эрдиги" монументинин алдында 1999-2000-жылдары Баткен окуясына курман болгон жоокерлерди эскерүү митинги болуп өткөнүн аталган мекеме билдирди.
Иш-чарага КР Куралдуу күчтөрүнүн Башкы штабынын башчысы генерал-майор Асанбек Алымкожоев, генерал-полковник Мырзакан Субанов, генерал-полковник Абдыгул Чотбаев, Бишкек гарнизонунун жеке курамы, Баткен жоокерлери жана курман болгондордун жакындары катышты.
Митинг учурунда аза мүнөтү жарыяланып, үч ирет мылтык атылды.
Баткен окуясында 45 аскер кукман болгон. Бул жылы Алымкожоевдин буйругу менен каза тапкан жоокерлердин үй-бүлөлөрүнө 5000 сомдон материалдык жардам көрсөтүлдү.
