БИШКЕК, 24-окт. — Sputnik. Ош шаарында жайгашкан №5 түрмөнүн жетекчиси Абдыкадыр Асанов кызматынан бошотулганын ЖАКМ билдирди.
Маалыматка ылайык, тийиштүү буйрукка Жаза аткаруу мамлекеттик кызматынын төрагасы Алик Мамыркулов кечээ, 23-октябрда кол койгон.
Кылмышкерлердин түрмөдөн качып чыгуусу боюнча өткөн жыйында премьер-министр бүтүндөй ЖАМК системасын реформалоо зарылдыгын белгилеп, айрым кызматкерлерди жумуштан алуу керектигин билдирген.
Буга чейин ЖАМК төрагасынын буйругу менен Бишкек шаарындагы №1 түрмөнүн жетекчиси Калыбек Калмаматов ээлеген кызматынан бошотулган.
