БИШКЕК, 22-окт. — Sputnik. Кыргызстандыктар таап алган ок-дары, курал-жарактарды өз ыктыяры менен милиция кызматкерлерине өткөрүп берип жатканын ИИМ билдирди.
Маалыматка ылайык, 21-октябрда өткөрүлгөн "Арсенал" рейдинин учурунда Таластын Бакай-Ата районунун тургуну ички иштер башкармалыгына кайрылып, сыр даярдоочу заводдон таап алган "Super PP" немис тапанчасын тапшырган.
Мындан тышкары, Кемин районунун 24 жаштагы тургуну аңчылык кылуучу 32 калибрлүү мылтыкты өткөрүп берген.
Ушундай эле учурлар Бишкек шаарында да катталууда. Шаар тургуну 5,45 калибрлүү сегиз ок тапшырса, ошол эле калибрдеги 38 даана ок өткөргөн. Алардын айтымында, ок-дарылар Сыдыков менен Исанов көчөлөрүнүн кесилишинен табылган.
ИИМ өз ыктыяры менен курал-жарак, ок-дары тапшырган жарандар кылмыш жоопкерчилигине тартылбай турганын эскертет.
