БИШКЕК, 22-окт. — Sputnik. Борбор калаанын Путепроводная көчөсүндө мыйзамсыз курулган турак-жай түрттүрүлгөнүн мэрия билдирди.
Маалыматка ылайык, буга чейин курулуштун ээси Бакиевге үйдү бузуу боюнча эскертүү берилген. Бирок турак жайдын ээси буйрукту аткарган эмес. Мындан улам тийиштүү протокол түзүлүп, сотко жөнөтүлгөн.
Бишкектин Свердлов райондук соту Бакировду күнөөлүү деп таап, административдик чара иретинде 10 миң сом өлчөмүндө айып пул салынды. Мындан тышкары, Жеке турак-жай курулуш департаменти тарабынан мыйзамсыз салынган курулуш түрттүрүлдү.
