БИШКЕК, 21-окт. — Sputnik. Академик, профессор, геология илимдердин доктору Муса Адышевдин 100 жылдыгына карата Геология институтунда саат 10.00дө окумуштуунун мемориалдык тактасы ачыла турганын Маданият, маалымат жана туризм министрлиги билдирди.
Муса Адышев 1915-жылы Ош облсунун Алай районундагы Гүлчө айылында туулган. Кезинде Илимдер академиясында кичи кызматкерден баштап мекемени жетектегенге чейин жеткен.
"XX кылымдын илим жаатында жетишкен ийгилиги үчүн" Кыргызстандын президентинин алтын медалы менен сыйланган. Адышевдин жетектөөсү менен 14 докторлук, 107 кандидаттык диссертация жазылган.
22-октябрь күнү Токтогул Сатылганов атындагы улуттук филармонияда белгилүү академиктин мааракесине арналган салтанаттуу иш-чара өтөт.
