БИШКЕК, 12-окт. — Sputnik. Үстүбүздөгү жылдын январь-сентябрь айынын аралыгында күз-кыш мезгилине даярдык иштерине карата республикалык бюджеттен 3,8 миллиард сом бөлүнгөнүн Каржы министрлиги билдирди.
Маалыматка ылайык, бул суммадан жылуулук энергиясын субсидиялоого 1 миллиард 490,5 миллион сом багытталган.
Бюджеттен мамлекеттик уюмдардын электр энергиясы үчүн 514 миллион сом бөлүндү. Ал эми жылуулук энергиясына 246 миллион, жаратылыш газына 5,8 миллион жана көмүр сатып алууга 108,8 миллион сом каралган.
Мындан тышкары, бийик тоолуу аймактардын жашоочулары үчүн компенсация иретинде 104 миллион сом бөлүнгөн.
