Акылбек Турганбаевдин айтымында, алардын төрт кишиден турган тобу бир жарым жылдан бери асмандан сүрөт тартуу менен алектенет.
"Буга чейин мен кадимкидей эле сүрөт, видео тартып түрдүү иш-чараларда жакшы эле иштеп жүрдүм. Бирок жогорудан төмөн жакты карай тартуу керек болгондо кранды же тик учакты ижарага алыш керек эле, бирок бул кымбат болчу", — дейт Турганов.
Интернеттин жана жаңы технологиянын өнүгүшү менен асмандан сүрөт, видео тартуу бир топ оңой болуп калганын сүрөтчү баса белгиледи.
"Коммерциялык долбоорлор менен иштеген жакшы, ошол эле учурда өзүң үчүн бир нерселерди жасагың келет. Андыктан буга чейин жасаган иштерибизге такыр окшошпогон нерсени жасап, шаарды асмандан тарттык. Кыргызстанда кооз жерлер көп", — деди ал.
Төрт кишиден турган чакан команда Жети-Өгүздү жана Сулайман-Тоону да тартышкан. Эми кезек Бишкекке келип, анын түн ичиндеги кооздугун тартышты.
