БИШКЕК, 8-окт. — Sputnik. Адам өлүмүнө себепкер болуп, кырсык болгон жерден качып кеткен айдоочу кармалганын Жол кайгуул кызматы билдирди.
Маалыматка ылайык, бүгүн, 8-октябрь күнү түнкү саат үчтө Бишкек – Ош унаа жолунун 55-чакырымындагы Новониколаевка айылынын тушунан бегисиз машинадагы айдоочу 20-25 жаштагы аялды коюп, из жашырып кеткен. Алган жараттарынан улам аял ошол жерден эле мүрт кеткен.
Жайыл РИИБ кызматкерлери кырсык болгон жерден далилдерди таап, бардык тийиштүү экспертиза дайындалган.
Иликтөө иштеринин жүрүшүндө жол кырсыгына тиешеси бар "Ниссан-Х-трейл" унаасы, андан кийин анын 22 жаштагы ээси табылган. Териштирүү маалында ал окуяны болгондой айтып берген. Машина унаа токтотуучу жайга алып келинип, айдоочу суракка алынды.
Учурда каза болгон жарандын аты-жөнү такталууда.
