БИШКЕК, 6-окт. — Sputnik. АКШнын Мамлекеттик департаменти өткөн жекшембиде Кыргызстанда болгон парламенттик шайлоолорду демократиялык процесстерге карай жасалган олуттуу кадам деп эсептей турганы жөнүндө дүйшөмбү күнү Американын аталган ведомствосу тараткан билдирүүдө айтылат.
"Америка Кошмо Штаттары Кыргызстандын элин парламенттик шайлоодо өзүнүн добуш берүү укугун ишке ашыргандыгы менен куттуктайт. Кыргыз Республикасынын президенти Алмазбек Атамбаев, Борбордук шайлоо комиссиясы жана көп сандаган өкмөттүк жана жарандык топтор респубилкадагы демократиялык процессти алдыга жылдырган бул шайлоонун өтүшүнө чоң өбөлгө түзүштү", — деп айтылат билдирүүдө.
Кыргызстанда жайлоо 4-октябрда өтүп, жогорку Кеңештеги 120 орун үчүн 14 партия ат салышты. Мыйзам чыгаруучу органдын жаңы курамына кириш үчүн, партиялар республика боюнча 7 пайыз добушка ээ болуп, ар бир аймактын 0,7 пайыздан кем эмес колдоосун алышы керек. Мурдараак КМШ боюнча байкоочулар тобу шайлоо улуттук мыйзамдарга да, эл аралык ченемдерге да толук ылайык жүргүзүлгөнүн билдирген.
