БИШКЕК, 4-окт. — Sputnik. Кыргызстан Социал Демократтар партиясынын лидери Чыныбай Турсунбеков мындай жыйынтык алардын ишинин жемиши экендигин айтып, шайлоочуларга ыраазычылык билдирди.
"Биз муну күткөнбүз, себеби, жер-жерлерде барып иштеп, элге түшүндүргөнбүз. Азыр жыйынтыкты көрүп отуруп, албетте, кубанычтабыз. Муну менен катар элге, шайлоочуларга ыраазычылык билдиребиз. Мен азыркы парламенттик шайлоо таза жана ачык түрдө өттү деп айта алам", — деди Турсунбеков.
Шайлоонун алдын ала жыйынтыгы боюнча КСДП партиясы 26,84 пайыз менен алдыда келе жатат.
