БИШКЕК, 4-окт. — Sputnik. Өкмөттүн ыйгарым укуктуу өкүлү Аманбай Кайыпов Нарын шаарындагы №4067 шайлоо участогунда добушун берди. Бул туурасында өкүлчүлүктүн маалымат кызматы билдирди.
"Нарын облусу боюнча 165 шайлоо участогунда добуш берүү жүрүп жатат. 332 аппаратта 641 оператор иш алып барууда. Мындан сырткары, район борборлорунда жана шаарда техникалык жактан колдоо көрсөтүп туруу үчүн мобилдик алты топ уюштурулган", — деп билдирди маалымат кызматынын өкүлү Айнура Дүйшөк кызы.
Маалымат кызматынан электр кубатынын үзгүлтүксүз берилишин камсыз кылуу үчүн ар бир шайлоо участогунда 165 электрик дайындалып, кошумча бирден генератор даярдалгандыгын билдиришти.
Айнура Дүйшөк кызы Нарын облусу боюнча шайлоочулардын жалпы саны саны 150 миң 137 адам экендигин кошумчалады.
Кыргызстандагы шайлоонун жүрүшү тууралуу Sputnik агенттигинин онлайн-репортажынан көрүңүз>>
