Токтогулда 13 миллиард метр куб суу чогулду

Жазылуу
Күн сайын агып келүүчү суунун көлөмү секундасына 303 метр кубду түзсө, 195 метр куб суу чыгымдалууда.

БИШКЕК, 29-сен. — Sputnik. Токтогул суу сактагычындагы суунун көлөмү 13 миллиард метр кубдан ашканын Sputnik агенттигине "Электр станциялары" ишканасы билдирди.

Күн сайын агып келүүчү суунун көлөмү секундасына 303 метр кубду түзсө, 195 метр куб суу чыгымдалып жатат.

Токтогул ГЭСи. Архив - Sputnik Кыргызстан
Токтогул ГЭСи реконструкцияланып, кубаттуулугу жогорулайт
Кыргызстандагы эң ири суу сактагычтагы суунун былтыркы көлөмү 12 миллиард метр кубдун айланасында болгон. 

Компания чогулган суунун көлөмү күз-кыш мезгилинен эч кыйынчылыксыз өтүп, электр энергиясы менен жалпы республика аймагын камсыздоого жетерин билдирет.

Жалал-Абад облусундагы Токтогул районунда жайгашкан суу сактагыч Нарын дарыясында Токтогул ГЭСинин плотинасы менен түзүлгөн. Станциянын жалпы көлөмү 19,5 чакырым кубду түзөт. Токтогул ГЭСине 1200 мегаваттык Токтогул станциясы жана 800 мегаваттык Күрп-Сай станциясы кирет. Бул станциялар жалпы республиканы электр энергиясы менен камсыздайт.

Жаңылыктар түрмөгү
0