БИШКЕК, 25-сен. — Sputnik. Канберрада үч күндө Кыргызстан менен Австралиянын ортосунда боло турган оюнга 12 миң билет сатылганын жергиликтүү The Sydney Morning Herald басылмасы билдирди.
Эки команданын беттешүүсү 12-ноябрь күнү Австралиянын борбор калаасында өтөт. Июнда кыргызстандык оюнчулар Австралиянын командасын өз талаасында кабыл алган. Анда беттешүү 1:2 эсебинде коноктордун жеңиши менен аяктаган.
Австралиялык басылма жума күнү Канберра "Cоккерс" деп аталган Австралиянын курама командасын колдоого алганын билдирди.
Ал эми кеңири сатыкка билеттер бүгүнтөн тарта коюлду.
Уюштуруучулар 25 миң киши баткан стадиондо бут коерго жер жок болот дешүүдө. Canberra Stadium акыркы төрт жылда биринчи ирет 95 пайызга толушу мүмкүн.
Австралиянын Футбол федерациясынын президенти Дэвид Гэллоп билет сатып алгандардан жакшы пикир угуп жатканын белгиледи.
"Канберранын стадиону азыр эле жарымына чейин толду, бул өтө таң каларлык көрүнүш. Күйөрмандар жакын арада көптөн бери көрө элек сүйүктүү футболчуларын көрө алышат", — деди ал.
Төрт турдун жыйынтыгы менен тогуз упай топтого австралияктар ишенимдүү алдыда келе жатат. Экинчи орунда жети упай менен Иордания турса, андан кийин куржунунда төрт упай бар Кыргызстан, акыркы орунда бирден упай алган Тажикстан менен Бангладеш турат.
Бардык командалардын кийинки раундга чыгууга мүмкүнчүлүгү бар. Бул үчүн алдыдагы беш оюнду жеңиш менен аяктоо керек.
