"Сүтак" тасмасы Оскар сыйлыгына көрсөтүлүүдө

© AFP / MARK RALSTONОскар кино сыйлыгы. Архив
Оскар кино сыйлыгы. Архив - Sputnik Кыргызстан
Жазылуу
Режиссер Мирлан Абдыкалыковдун толук метраждуу "Сүтак" тасмасы бир катар абройлуу кинофестивалдарда байгелүү орундарга татып келген.

БИШКЕК, 22-сен. — Sputnik. Режиссер Мирлан Абдыкалыковдун "Сүтак" тасмасы америкалык "Оскар — 2016" киноаакадемиясынын сыйлыгына көрсөтүлүп жатканын тасманын тең продюсери Алтынай Койчуманова билдирди.

Тасма "Мыкты чет элдик фильм" категориясында ат салышат.

Койчуманованын айтымында, режиссер республиканын оскар комитетинин чечими тууралуу кабардар боло элек. Азыр авторлор академияга билдирме толтуруп, тасма кинопрокатка чыкканын тастыкташы керек. 

"Мындан тышкары, тасманы англис тилинде "сүйлөтүп" чыгуу керек. Биз аябай толкундатып жатабыз", — деди ал.

Кинолента. Архив - Sputnik Кыргызстан
Мирлан Абдыкалыковдун "Сүтагы" Анападагы "Киношокто" баш байгени жеңип алды
Буга чейин Табылды жылкычы жана анын үй-бүлөсү жөнүндөгү тасма Анапада өткөн "Киношок" эл аралык фестивалдын баш байгесине жана Чехиянын Карловы Вары шаарындагы Fedeora Award фестивалында киносынчылардын атайы байгесине татыган.

Оскар кино сыйлыгы — февраль айынын акыркы дем алыш күндөрүндө Лос-Анжелесте кино тармагындагы жыл сайын ыйгарылуучу эң абройлуу сыйлык.

Өткөн жылы режиссер Садык Шер-нияздын "Курманжан датка" тасмасы да Оскарга көрсөтүлгөн. Бирок тизмеге кирбей калган.

Жаңылыктар түрмөгү
0