БИШКЕК, 18-сен. – Sputnik. Бишкекте "Хизб ут-Тахрир" диний-экстремисттик тобунун эки лидери жана үч активдүү мүчөсү кармалганын ИИМ билдирди.
Маалыматка ылайык, хизбутчулар үстүбүздөгү жылдын 17-сентябрында "Антитеррор" деп аталган ыкчам-иликтөө иш-чараларынын негизинде кармалган.
Текшерүү учурунда аталган жарандардын үйүнөн китеп, брошюра, диск, баракча, компьютердик техника түрүндөгү 53 материал табылып, тийиштүү укук коргоо органдарына өткөрүлдү.
Учурда теологиялык эскпертиза дайындалып, Кылмыш жаза кодексине ылайык чаралар көрүлүүдө.
