БИШКЕК, 11-сен. — Sputnik. Нарын районундагы Тегерек жайлоосунда кой жайып кетип кайтпай калган 78 жаштагы аксакал изделип жатат. Бул туурасында ӨКМдин маалымат кызматы билдирди.
"1937-жылы туулган Саалы Өмүров 8-сентябрда кой кайтарганы кетип, кайра кайткан эмес. 10-сентябрда издөө иштерин ӨКМдин төрт куткаруучусу жүргүзүп, бирок табылган жок", — деп билдирди маалымат кызматынан.
Издөө иштерин ӨКМДин №16 аскерлештирилген өрт-куткаруу бөлүмүнүн куткаруучулары жүргүзгөн.
