Атамбаевди Кытайдын борборунда ардак кароол жана гүл менен тосуп алышты

Жазылуу
Президент Алмазбек Атамбаев Экинчи дүйнөлүк согуштун аякташынын 70 жылдыгына арналган парадга катышуу үчүн Кытайга келди.

Салтанат Пекин шаарында өтөт. Атамбаевден башка ага 30 мамлекеттин жетекчилери катышары күтүлүүдө.

Улуттук гвардиянын жоокерлери. Архив - Sputnik Кыргызстан
КР жоокерлери Пекиндеги чоң аянтта Жеңиштин 70 жылдыгына карата параддан өтөт
Мындан сырткары, президент Кытай башчысы Си Цзиньпин менен жолугуп, экономикалык, саясий жана маданий багыттагы маселелерди талкуулайт. 

Жолугушуу учурунда жолдорду реконструкциялоо үчүн Кытай тараптан 350 миллион юань өлчөмүндөгү каражаттын бөлүнүшү каралат. Жалпы жонунан аталган өлкө Кыргызстанга үч жылдын аралыгында бир миллиард юань бөлүп берет. Анын бир бөлүгү гранттык каражат.

Сүйлөшүүдө Кыргызстандын ЕАЭБге кошулушу менен Кытай тараптан келе турган инвестициялар талкууланары күтүлүүдө.

Дүйшөмбү күнү Атамбаев Кытайдан Өзбекстан менен Иранга кетүүчү темир жолдун курулушу менен Кыргызстан жарды мамлекеттен транзиттик өлкөгө айлана турганы белгилеген.

Жаңылыктар түрмөгү
0