"Народный" дүкөнүнөн сатуудан алынган 49 бөтөлкө арак экспертизага жөнөтүлдү

Салыкчылар Чолпон-Ата шаарынан эки миңден ашык контрафакттык спирт ичимдиктерин тапты. Мамлекеттик салык кызматынын өкүлдөрү Ысык-Көл облусунун Чолпон-Ата шаарында эки миң бөтөлкөдөн ашык контрафакттык алкоголдук продукцияны алышты деп аталган кызматтан билдиришти

Рейддик салыктык текшерүүнүн жүрүшүндө соода агентине тиешелүү "Мерседес-Спринтер" маркасындагы автомашинадан "СВВЗ" ЖЧКсына таандык акциздик маркалар менен идиштин сыйымдуулугуна дал келбеген эки миңден ашык бөтөлкө алкоголдук продукция табылды. Салыкты толук төлөөдөн баш тартуу максатында 0,25 литрдик номиналдагы акциздик маркалар жарым литрлик идиштерге чапталган.

Кармалган материалдар компаниянын катталган жери боюнча салык органына тийиштүү чараларды көрүү үчүн өткөрүлүп берилди.

Ошондой эле, "Торговый дом Питница" ЖЧКсына таандык 49 бөтөлкө спирт ичимдиги Чолпон-Ата шаарында жайгашкан "Народный" соода үйүнөн сатуудан алынган. Аталган соода үйдүн юридикалык бөлүмүнүн жетекчиси Роман Глаголенко спирт ичимдиктери алынганын тастыктады.

"Бөтөлкөлөр алынып, экспертизага жөнөтүлдү. Дүкөндүн кызматкерлери адис эмес. Биз үчүн акциздик маркалардын болушу маанилүү, бирок өндүрүшчүлөрдүн аракеттери үчүн биз жооп бербейбиз", — деди Глаголенко.

Ичимдиктер Мамлекеттик сот экспертиза борборуна акциздик маркалардын аныктыгын текшерүү үчүн өткөрүлдү.