БИШКЕК, 21-авг. — Sputnik. Ош облусунда жасалма акча менен Казакстандын 32 жаштагы жараны кармалганын ИИМ билдирет.
Маалыматка ылайык, аталган жаран 19-август күнү Ош шаарындагы Кулатов кичирайонунда жайгашкан дүкөндөрдүн биринен жасалма 100 долларлык акча менен соода жасаган.
Текшерүү учурунда андан дагы 100 долларлык кагаз акча табылган.
Поддельные доллары найденные у гражданина Казахстана.
© пресс-служба МВД КР
Кармалган адам убактылуу кармоочу жайга киргизилди.
Учурда жасалма акча жасоого катыштыгы бар адамдарды аныктоо максатында иликтөө иштери башталды.
