БИШКЕК, 21-авг. — Sputnik. Үстүбүздөгү жылдын жети айында Кыргызстандын социалдык тармагы 31,9 миллиард сомго каржыланганын Финансы министрлиги билдирет.
Маалыматка ылайык, бул бюджеттин жалпы чыгымынын 58,1 пайызын түзөт. Былтыркы жылдын ушул мезгилине салыштырмалуу бул 1,5 миллиард сомго жогору көрсөткүч.
Мамлекет социалдык коргоого карата чыгымды республикалык бюджеттен 14,29 миллиард сом сарптап, чыгым көлөмүн болжол менен миллиард сомго көбөйткөн.
Билим берүү тармагына 10,64 миллиард, ал эми саламаттык сактоого 5,75 миллиард сом жумшалган.
