БИШКЕК, 18-авг. — Sputnik. "Бүтүн Кыргызстан Эмгек" саясий партиясы парламенттик шайлоого катыша турган талапкерлердин тизмесин жарыялады.
Парламенттик шайлоо үстүбүздөгү жылдын 4-октябрына белгиленген. Талапка ылайык, 25-августка чейин саясий партиялар БШКга талапкерлердин тизмесин бериши керек.
Тизмеде биринчи болуп ишкер жана экс-депутат Аскар Салымбеков катталган. Андан кийинки орунду партиянын теңтөрагасы, саясатчы Адахан Мадумаров ээледи.
Партиянын биринчи ондугу төмөнкүдөй:
- Аскар Салымбеков;
- Адахан Мадумаров;
- Олег Подобедов;
- Дамира Дөлөталиева;
- Бахтияр Фаттахов;
- Мусабек Турсункулов;
- Нарынбек Молдобаев;
- Надира Нарматова;
- Каныбек Нарбаев;
- Эрнис Сооронбаев.
Андан кийин 12-болуп экс-депутат Урмат Аманбаева келсе, 15-орунда экс-вице-премьер-министр Токон Мамытов жайгашкан. Тизмеде булардан тышкары мурунку депутат Рашид Тагаев жана опера ырчысы, КРдин Эл артисти Керим Турапов бар.
