БИШКЕК, 10-авг. — Sputnik. Премьер-министр Темир Сариев Жайыл районунун Полтавка айылында ушул жылдын 7-августунда болгон окуя боюнча тыкыр иликтөө жүргүзүп, окуяга катышкан дарды жана ага жол бергендерди жоопкерчиликке тартууну тапшырды. Бул туурасында премьердин маалымат катчысы Бакыт Асанов билдирди.
Өкмөт жаңжалды уюштургандар мыйзамга ылйык жазага тартылышы зкеректигин билдирди.
"Кыргызстанда мындай окуялардын болушу акылга сыйгыс нерсе катары кабыл алынышы керек. Өлкөбүз ири саясий жараяндардын алдында турганда элибиздин биримдиги эң алгачкы баалуулук болушу шарт. Ошондуктан жаңжалды уюштургандар мыйзамга жараша жазага тартылышы зарыл. Буга жол берген жергиликтүү бийлик өкүлдөрү менен тиешелүү жетекчилердин жоопкерчилиги каралат. Бардык аймактардагы мамлекеттик органдарга бул жаатта түшүндүрүү иштерин күчөтүүнү тапшырам", — деди Сариев.
Чүй облусунун Полтавка айылында 10дон ашык үйдү жаш балдар түн ичинде таш кесекке алып, үйлөрдүн айнектери менен автоунааларды талкалап кетишкен. Жабырлангандардын өкүлү 74 жаштагы алайлык аксакал Кайыпкул Жунусов ташка алынган үйлөр Ош жана Жалал-Абад облусунан көчүп келгендерге таандык экендигин билдирген.
