БИШКЕК, 4-авг. — Sputnik. "Кыргызалтын" ишканасынын жөнөкөй акциялары "Blue Chips" категориясы боюнча Биржанын расмий тизмесине киргизилгенин биржанын сайты билдирет.
"Кыргызалтын" ААКы — алтын казууну өздөштүрүү багытындагы мамлекеттик ири ишкана. Республикадагы алтын казуу боюнча долбоорлорду ишке ашыруу жана бул багытта иштеп жаткан өндүрүштү колдоо үчүн кен казуучу ишканалардын башын бириктирүү максатында 1992-жылдын 15-октябрында түзүлгөн.
Өнөктөштөр менен биргеликте "Кыргызалтын" ишканасы мамлекеттеги жалпы алтындын 97 пайызын өндүрөт. Бул ИДПнын 10 пайыздык, өнөр жайдын 40 жана экспорттун 60 пайыздык үлүшүнө туура келет.
"Кыргызалтын" ишканасы Centerra Gold Inc. компаниясында, "Алтынкен" жана "Жер-Үй" биргелешкен ишканаларда кыргыз тараптын кызыкчылыгын көздөйт.
