БИШКЕК, 4-авг. — Sputnik. Кыргызстандыктар спорттун интеллектуалдык түрү боюнча өткөн олимпиадада үч медаль утуп келишкенин Дене тарбия жана спорт боюнча мамлекеттик агенттиктен билдиришти.
Олимпиада Пардубице шаарында (Чехия) 16-июлдан 2-августка чейин өткөн.
38 мамлекеттен келген 2 миңден ашык оюнчулар го, бао, овари, бридж, спорт покери, рендзю, шоги, шашки жана шахмат оюндарынан акыл күчүн сынашты.
Ошондой эле компьютердик программалар арасында да турнир өткөн. Жалпысынан кыргызстандыктар эки күмүш, бир коло байге утушкан.
