Сарпашев эми Чүйдөгү биометрикалык маалыматтардын чогулушун текшерет

© пресс-служба мэрии города БишкекБиринчи вице-премьер-министр Тайырбек Сарпашев жана Бишкек мэри Кубанычбек Кулматов. Архив
Биринчи вице-премьер-министр Тайырбек Сарпашев жана Бишкек мэри Кубанычбек Кулматов. Архив - Sputnik Кыргызстан
Жазылуу
Биринчи вице-пермьер-министр Чүй облусундагы бир катар райондун тургундары жана Токмок шаарынын жашоочулары менен жолугуп, биометрикалык маалыматтардын чогултулушу боюнча жыйын курат.

БИШКЕК, 28-июль — Sputnik. Биринчи вице-премьер-министр Тайырбек Сарпашев Кара-Балта шаарында Панфилов, Жайыл жана Москва райондорунун тургундары менен жолугуп, биометрикалык маалыматты чогултуу жана шайлоочулардын тизмесин түзүү боюнча пикир алышат. Бул тууралуу өкмөттүн маалымат кызматы билдирди.

Бишкектиктердин 70 пайызы биометрикалык маалымат тапшырды
Чүй облусунун мамлекеттик администрациясында Сарпашев Сокулук, Аламүдүн жана Ысык-Ата райондорунун акимдеринин биометрикалык маалыматтын чогулуусу боюнча отчетун угат. Андан сырткары Токмок шаарында Кемин жана Чүй райондорунун тургундары менен да жолугат.

Биометрикалык маалыматтарды чогултуу 2014-жылы августта башталган. 16 жаштан жогорку бардык жарандар, бармак издерин, санарип сүрөтүн жана электрондук кол тамгасын берүүгө милдеттүү. Каттоого алуу 2015-жылдын 1-августунда аякташы керек. Жалпысынан 3 миллион 641 миң кишинин биометрикалык маалыматтарын алуу болжолдонууда.

Жаңылыктар түрмөгү
0